كلنا عندنا أفكار سلبية عن نفسنا
أنا مش جميلة و شكلى وحش
أنا تخينة
أنا غبى
أنا طيب والناس بتضحك على
أنا فاشلة
أنا محتاجة
أنا مش هقدر
أنا مش هنجح
أنا مش محبوب
أنا حظى وحش
أنا ظروفى صعبة
أفكار ..أفكار ...أفكار ...طول النهار نرددها بيننا و بين نفسنا ...بتخلينا عاجزين تماما عن تغيير اى حاجة فى نفسنا او الواقع الى احنا عايشين فيه و فاقدين الثقة فى نفسنا
مهم جدا توقف هذه الافكار على أد ماتقدر
و تحاول تعد مع نفسك قاعدة من القعدات الى اتفقنا عليها قبل كدة
و تحلل الموضوع و تقنع نفسك بالعكس
و هضرب لكم مثال من نفسى
نشأت فى اسرة كل همها اننا نكون متفوقين
يعنى انت وظيفتك فى الحياة انك تذاكرى و تنجحى و تتفوقى
كانت اى محاولة للتجمل و الوقوف ادام المراية دى هيافة و ضياع وقت و الحاجات دى لما تتجوزى
و طبعا من شب على شىء شاب عليه
اتجوزت و استمريت على اهمالى لمظهرى
و كنت دايما ابص للنساء فى الاعلام و اقول لنفسى هتروح فين ياصعلوك بين الملوك
و طبعا زى اى راجل عربى اصيل جوزى كان قايم بالواجب من النقد و السخرية و خلافه ..مما زود الطين طين و زفت
عملت عملية تجميل لمحاولة ارضائه ..بس الطبع غلاب ..عندى و عنده
و بما انى طبيبة و لى اهتمامات كثيرة ومش فاضية للكلام الفارغ دا !!!!!!!!
كنت بجد لنفسى مبررات لهذا الاهمال من الانشغال بالاولاد و البيت و المعمل و الدعوة و..و..
لما بدأت رحلتى فى استعادة الثقة فى نفسى
قعدت مع نفسى
و اقنعتها ان المظهر احد مكونات الشخصية الى لازم اطورها و الى لازم تتصلح لان المرأة تحديدا ثقتها بنفسها بتبدأ بثقتها فى جمالها
و المظهر صحيح الناس مهتمة بيه بهوس ..بس مش معنى كدة انى اهمله تماما ...لازم يكون فيه اهتمام بيه بشكل معتدل
ان الله جميل يحب الجمال و ربنا امرنا يا بنى آدم خذوا زينتكم عند كل مسجد
و ان مش لازم الواحدة تكون ملكة جمال علشان تكون جميلة و تهتم بنفسها
كل واحدة فى الدنيا عندها اجزاء جميلة فى جسمها و اجزاء غير جميلة
و الى بتعمله بنات الاعلام انهم بيلبسوا بشكل يبرز جمال الجزء الجميل و يدارى الجزء القبيح ..
و ان اللبس و اختيار الالوان و وضع الميك اب و تسريحة الشعر دى فنون و علوم لازم اتعلمها علشان اقدر ابرز اجمل مافى و ادارى القبيح
قعدت مع نفسى ..و فصصت شكلى ..و حددت بالظبط ايه الحلو و ايه الوحش من اول شعرى لحد ضوافر رجلى
و بدأت ابحث عن اختيار الملابس و الموديلات و الالوان المناسبة لطبيعة جسمى فالمناطق الغير جميلة يستحب فيها الالوان الغامقة و الموديلات البسيطة جدا حتى لاتلفت النظر فى حين المنطق الجميلة بالعكس
بدأت اتفرج على فيديوهات وضع الميك أب و اجرب على نفسى لحد ما ارتحت لالوان و طرق معينة
بدأت أمارس الرياضة اليومية و أحطها كروتين يومى زى الاكل و النوم
لى زيارة دورية لمركز تجميل و الموضوع دا من الاولويات
لما بدأت اهتم بنفسى
و اروح اتعرف على ناس مهتمة برده فى المراكز الرياضية و مراكز التجميل
و لقيت منهم كلمات الاعجاب الى كنت مفتقداها و التشجيع الى كنت محتاجة ليه و لقيت منهم معلومات و خبرات فادتنى جدا
بدل ماكان اصحابى كلهم من غير المهتمات بالموضوع دا
بدأت أشوف نفسى جميلة
و ابص لنفسى فى المراية و ابتسم من التغيير و اسعد بشكلى الجديد
و بدأت اسمع كلمات الاعجاب و التشجيع من صديقاتى الجدد
و بدأت اوجه زوجى بمنتهى الذوق ..من فضلك كلمات النقد تحبطنى و لا تشجعنى ابدا ...يا اما تقول كلمة كويسة يا بلاش
طبعا لم يتحول فى يوم و ليله ..
كان ساعات الكلمة تقف فى زوره و مش قادر ..بس كنت بارفض كلمته و اقوله انا لم اطلب رأيك و انا مش بعمل لحد والكلمة دى ضايقتنى ..بدون ما اعمل نكد ... يعنى كلمته بكلمتى خلاص و تعدى (ودى نقطة مهمة )
و اقول لنفسى : جمالى لنفسى انا لايهمنى رأيه المهم انا شايفة نفسى ازاى و اصحابى بيشجعونى
و للأسف الشديد برده
الست مهما حست بجمالها و تشجيع من اصحابها بتبقى متلهفة الى نظرة الرجل ليها
بدأت تسعدنى كلمات زملائى فى العمل ...و ارد عليهم بمنتهى الادب و الاحترام ...بس من جوايا كنت فرحانة و مبسوطة و اعطتنى المزيد من الثقة بالنفس
لحد ما زوجى ربنا يكرمه و يجزيه عنى كل الخير بدأ يتغير بالتدريج
و بدأ يقول كلام اعجاب جميل ...عرف مع الوقت ان النقد بيدايقنى اكتر ما بيشجعنى من التكرار ..و بدأت فعلا اعجبه بثقتى فى جمالى و العناية بنفسى ...مما زود ثقتى فى نفسى اكتر و اكتر
أولا : حدد مشكلتك و فوق لنفسك و اعرف الفكرة الغلط و اسبابها
ثانيا : حارب فكرتك الغلط و حاول تغيرها و تقنع نفسك بعكسها
ثالثا : خد خطوات عملية علشان تنجح ..اتعلم ..و ابدأ نفذ ..فكلما خطوت خطوة ناجحة شجعك على المزيد
رابعا : حاوط نفسك بالناس الى بتشجعك و تحفزك من المهتمين بما تهتم بيه ..و حاول توقف النقد بالذوق ..
و لو مش راضيين حاول توقف اثرهم عليك و تاخد كلامهم من الودن دى و تطلعه من التانية ..
ولو ينفع اعتزلهم و ابعد عنهم
خامسا : ماتعمليش حاجة علشان خاطر جوزك ...لانك هتكونى دايما منتظرة رد فعله وانه يمطرك بكلمات الاعجاب و التشجيع ..احنا مجتمعات اصلا خبيرة فى الاحباط و تكسير المآديف
اعملى الحاجة علشان خاطر نفسك انتى ...و احتياجك للنجاح انت ولاتعتمدى عليه معنويا على الاقل فى البدايات فى مرحلة البناء ابنى ثقتك بنفسك بنفسك
بس طبعا لو هو كان محفز و مشجع من البداية اكيد هتنطلقى زى الصاروخ
و العكس صحيح
فتشجيع الزوجة على احراز مايريده الرجل عامل مهم جدا جدا فى نجاحه ..مش بيقولوا وراء كل رجل عظيم امرأة
أنا مش جميلة و شكلى وحش
أنا تخينة
أنا غبى
أنا طيب والناس بتضحك على
أنا فاشلة
أنا محتاجة
أنا مش هقدر
أنا مش هنجح
أنا مش محبوب
أنا حظى وحش
أنا ظروفى صعبة
أفكار ..أفكار ...أفكار ...طول النهار نرددها بيننا و بين نفسنا ...بتخلينا عاجزين تماما عن تغيير اى حاجة فى نفسنا او الواقع الى احنا عايشين فيه و فاقدين الثقة فى نفسنا
مهم جدا توقف هذه الافكار على أد ماتقدر
و تحاول تعد مع نفسك قاعدة من القعدات الى اتفقنا عليها قبل كدة
و تحلل الموضوع و تقنع نفسك بالعكس
و هضرب لكم مثال من نفسى
نشأت فى اسرة كل همها اننا نكون متفوقين
يعنى انت وظيفتك فى الحياة انك تذاكرى و تنجحى و تتفوقى
كانت اى محاولة للتجمل و الوقوف ادام المراية دى هيافة و ضياع وقت و الحاجات دى لما تتجوزى
و طبعا من شب على شىء شاب عليه
اتجوزت و استمريت على اهمالى لمظهرى
و كنت دايما ابص للنساء فى الاعلام و اقول لنفسى هتروح فين ياصعلوك بين الملوك
و طبعا زى اى راجل عربى اصيل جوزى كان قايم بالواجب من النقد و السخرية و خلافه ..مما زود الطين طين و زفت
عملت عملية تجميل لمحاولة ارضائه ..بس الطبع غلاب ..عندى و عنده
و بما انى طبيبة و لى اهتمامات كثيرة ومش فاضية للكلام الفارغ دا !!!!!!!!
كنت بجد لنفسى مبررات لهذا الاهمال من الانشغال بالاولاد و البيت و المعمل و الدعوة و..و..
لما بدأت رحلتى فى استعادة الثقة فى نفسى
قعدت مع نفسى
و اقنعتها ان المظهر احد مكونات الشخصية الى لازم اطورها و الى لازم تتصلح لان المرأة تحديدا ثقتها بنفسها بتبدأ بثقتها فى جمالها
و المظهر صحيح الناس مهتمة بيه بهوس ..بس مش معنى كدة انى اهمله تماما ...لازم يكون فيه اهتمام بيه بشكل معتدل
ان الله جميل يحب الجمال و ربنا امرنا يا بنى آدم خذوا زينتكم عند كل مسجد
و ان مش لازم الواحدة تكون ملكة جمال علشان تكون جميلة و تهتم بنفسها
كل واحدة فى الدنيا عندها اجزاء جميلة فى جسمها و اجزاء غير جميلة
و الى بتعمله بنات الاعلام انهم بيلبسوا بشكل يبرز جمال الجزء الجميل و يدارى الجزء القبيح ..
و ان اللبس و اختيار الالوان و وضع الميك اب و تسريحة الشعر دى فنون و علوم لازم اتعلمها علشان اقدر ابرز اجمل مافى و ادارى القبيح
قعدت مع نفسى ..و فصصت شكلى ..و حددت بالظبط ايه الحلو و ايه الوحش من اول شعرى لحد ضوافر رجلى
و بدأت ابحث عن اختيار الملابس و الموديلات و الالوان المناسبة لطبيعة جسمى فالمناطق الغير جميلة يستحب فيها الالوان الغامقة و الموديلات البسيطة جدا حتى لاتلفت النظر فى حين المنطق الجميلة بالعكس
بدأت اتفرج على فيديوهات وضع الميك أب و اجرب على نفسى لحد ما ارتحت لالوان و طرق معينة
بدأت أمارس الرياضة اليومية و أحطها كروتين يومى زى الاكل و النوم
لى زيارة دورية لمركز تجميل و الموضوع دا من الاولويات
لما بدأت اهتم بنفسى
و اروح اتعرف على ناس مهتمة برده فى المراكز الرياضية و مراكز التجميل
و لقيت منهم كلمات الاعجاب الى كنت مفتقداها و التشجيع الى كنت محتاجة ليه و لقيت منهم معلومات و خبرات فادتنى جدا
بدل ماكان اصحابى كلهم من غير المهتمات بالموضوع دا
بدأت أشوف نفسى جميلة
و ابص لنفسى فى المراية و ابتسم من التغيير و اسعد بشكلى الجديد
و بدأت اسمع كلمات الاعجاب و التشجيع من صديقاتى الجدد
و بدأت اوجه زوجى بمنتهى الذوق ..من فضلك كلمات النقد تحبطنى و لا تشجعنى ابدا ...يا اما تقول كلمة كويسة يا بلاش
طبعا لم يتحول فى يوم و ليله ..
كان ساعات الكلمة تقف فى زوره و مش قادر ..بس كنت بارفض كلمته و اقوله انا لم اطلب رأيك و انا مش بعمل لحد والكلمة دى ضايقتنى ..بدون ما اعمل نكد ... يعنى كلمته بكلمتى خلاص و تعدى (ودى نقطة مهمة )
و اقول لنفسى : جمالى لنفسى انا لايهمنى رأيه المهم انا شايفة نفسى ازاى و اصحابى بيشجعونى
و للأسف الشديد برده
الست مهما حست بجمالها و تشجيع من اصحابها بتبقى متلهفة الى نظرة الرجل ليها
بدأت تسعدنى كلمات زملائى فى العمل ...و ارد عليهم بمنتهى الادب و الاحترام ...بس من جوايا كنت فرحانة و مبسوطة و اعطتنى المزيد من الثقة بالنفس
لحد ما زوجى ربنا يكرمه و يجزيه عنى كل الخير بدأ يتغير بالتدريج
و بدأ يقول كلام اعجاب جميل ...عرف مع الوقت ان النقد بيدايقنى اكتر ما بيشجعنى من التكرار ..و بدأت فعلا اعجبه بثقتى فى جمالى و العناية بنفسى ...مما زود ثقتى فى نفسى اكتر و اكتر
أولا : حدد مشكلتك و فوق لنفسك و اعرف الفكرة الغلط و اسبابها
ثانيا : حارب فكرتك الغلط و حاول تغيرها و تقنع نفسك بعكسها
ثالثا : خد خطوات عملية علشان تنجح ..اتعلم ..و ابدأ نفذ ..فكلما خطوت خطوة ناجحة شجعك على المزيد
رابعا : حاوط نفسك بالناس الى بتشجعك و تحفزك من المهتمين بما تهتم بيه ..و حاول توقف النقد بالذوق ..
و لو مش راضيين حاول توقف اثرهم عليك و تاخد كلامهم من الودن دى و تطلعه من التانية ..
ولو ينفع اعتزلهم و ابعد عنهم
خامسا : ماتعمليش حاجة علشان خاطر جوزك ...لانك هتكونى دايما منتظرة رد فعله وانه يمطرك بكلمات الاعجاب و التشجيع ..احنا مجتمعات اصلا خبيرة فى الاحباط و تكسير المآديف
اعملى الحاجة علشان خاطر نفسك انتى ...و احتياجك للنجاح انت ولاتعتمدى عليه معنويا على الاقل فى البدايات فى مرحلة البناء ابنى ثقتك بنفسك بنفسك
بس طبعا لو هو كان محفز و مشجع من البداية اكيد هتنطلقى زى الصاروخ
و العكس صحيح
فتشجيع الزوجة على احراز مايريده الرجل عامل مهم جدا جدا فى نجاحه ..مش بيقولوا وراء كل رجل عظيم امرأة
ليست هناك تعليقات:
إرسال تعليق