علم أولادك القدرة على البحث

أحد أهداف العملية التعليمية مهم جدا تهتم بيها
ان تكتسب انت شخصيا القدرة على البحث علشان تعلمها لابنك

زمان كنا بنذاكر الكتاب علشان ننجح
و نتيجة هذا التعليم تأتينى اسئلة كثييييرة عن كتب فى مجالات تطوير الذات و العلاقات الانسانية و تربية الابناء
الناس عايزة كتاب تذاكره علشان تنجح
و دا نتيجة اسلوب تعليمنا الى احنا اتعلمناه


دلوقت بين ايديك موبايل متوصل بشبكة انترنت عالمية
يعنى علم الدنيا كلها دلوقت بين ايديك
و عندك برامج ترجمة علشان تقرأ حتى العلم اليابانى و الصينى

اى سؤال بيخطر على بالى بحطه على محرك البحث و بيجيلى الاف المقالات و الكتب و الاصدارات و المواقع العلمية العربية و الاجنبية

علمت ولادى الموضوع دا
لما ييجوا يسألونى سؤال فى المنهج ..أى سؤال
اقولهم طب تعالوا نطلعه من على الانترنت
و نعد نقرأ مع بعض الاجابة
و يمكن نلاقى صور و فيديوهات عن الموضوع

القدرة على البحث من أجل الفهم الاعمق مهم تدرب ابنك عليها علشان تساعده يستخدم الانترنت استخدام سليم
بدال ما بيستخدمه فى اللعب و الشات بس