لو عايز شريك حياة يحترمك ..كن جدير و أهل للاحترام
لو انت انسان كذابلو انت انسان مزعج و لسانك سليط و تفتقد اللياقة فى الكلام
لو انت انسان لاتحترم القانون و بترتكب الكبائر
او انت انسان تأتى بافعال خادشة للحياء من هزار قبيح او نظرات فاجرة مع النساء و كل الناس عارفة انك بتاع ستات أو مع الرجال و كل الناس شايفينك ست مش ولابد
لا تتوقع من شريك حياتك انه يحترمك
ولا تتوقع منه انه يدارى عليك و على افعالك
و ليس مطلوب منه انه يعد يدور لك على مبررات و يختلق لك الاعذار
و مش مطلوب منه انه كل شوية يعتذر للناس عن تصرفاتك و يحاول يصلح صورتك أدام الناس
ولو عمل كدة فى البداية علشان مكسوف من تصرفاتك و عايز يحافظ على شكلك
فمش هيقدر يستمر ابدا على كدة
احساس قبيح جدا ان كل شوية حد ييجى يشتكيله و يقوله شريك حياتك عمل كذا و سوى كذا و هو يعد يبرر و يعتذر و يلتمس العذر
صورتك ادام الناس انت من تصنعها بلباقتك و لياقتك و استقامتك و امانتك و أدبك
احترام الناس ليك ومنهم شريك حياتك دى مسئوليتك انت مش مسئولية شريك حياتك
فلا تكلفه مالايطيق
ليست هناك تعليقات:
إرسال تعليق