الزواج ليس سجن

أجمل العلاقات هى ماتوفر قدر كبير من الحرية للطرفين

مش معنى اننا اتجوزنا انى انسف حياتى السابقة تماما
و اكرس كل حياتى لبيتى و اولادى فقط لاغير

دا بيحسس كل منهما بالقيد و السجن الى بيعكر عليهم صفو حياتهم

فى عالمنا العربى تفعل المرأة ذلك غالبا ...و يكون زوجها ثم اولادها هم كل حياتها

و من كثرة ما تفعله المرأة ...فقد اعتاد الرجل العربى على ذلك ..
و يطالب به زوجته و يجعله يرفض اى اهتمامات سوى بيتك و عيالك
انه لم ير امه تمارس هواية خاصة بيها من قبل
انه لم يراها تمارس رياضة
لم يراها تخرج فى نزهة مع صديقاتها او حتى وحدها
لم يراها تخرج فى رحلة ترتاح فيه من عمل البيت و طلبات الاولاد بدونهم
لم يراها الا خادمة مطيعة لطلباته و طلبات والده و اخواته

هذا المفهوم قد يجعله هو سعيدا بالطبع
و لكنه يشعر المرأة بالقيد و السجن و الرغبة فى الانفصال للانعتاق من هذا السجن و السجان ..و فى اول فرصة تلاقيها ممكن تطلب الطلاق

و قد تطالب زوجها بذلك و تضغط عليه علشان يسيب اهله و يبعد عنهم
و يسيب اصدقاؤه ..
و يسيب هواياته ..
و يسيب اى حاجة بتاخد وقته غير الشغل
و غالبا ينشأ رد فعل معاكس ...و
كلما ضغطت عليه كى لايبعد ..نفر منها اكتر

يحتاج كلا الطرفين الى قدر و مساحة من الحرية يكون كلا منهما نفسه
يعيش دور تانى غير الزوجية

يحتاج الرجل بعض الوقت الى فترة عزوبية...بعض الحرية و الاستقلالية ..ياخد فيها اجازة من الزوجية و الابوة
ولا ياخدها عنوة ...ياخدها باقتناع الاخر و عن طيب خاطر منه

و تحتاج المرأة أيضا الى هذه الفترة ...ان تعيش بعض الوقت لنفسها و سعادتها و مزاجها ...تاخد فيه اجازة من الامومة و الزوجية ..عن طيب خاطر ايضا و اقتناع من زوجها انها تستحق اجازة

علشان يجددوا نشاطهم
و يرجعوا تانى مشتاقين الى لعب هذا الدور

زى الموظف ما بيرجع من الاجازة السنوية اكثر نشاط و اقبال على العمل