التأنى هو الصبر للحصول على معلومات جديدة تفيدك و تساعدك فى اتخاذ القرار
التردد هو عدم القدرة على اتخاذ القرار و التأجيل الدائم لحد ما الظروف الى حواليك تجبرك على اختيار واحد
على سبيل المثال :
التردد فى اختيار المدرسة المناسبة للاولاد
طول ما انت منتظر و متردد فى اتخاذ القرار مع انك مش هتحصل على معلومات جديدة كل ما المدارس هتتملى و الظروف هتجبرك على مدرسة معينة انت ماكنتش عايزها
التردد فى شراء سلعة عليها عرض ...لحد ما العرض ينتهى و تضطر تشتريها بسعرها الاصلى
التردد فى اختيار شريك الحياة
طول ما انت مش محدد انت عايز ايه بالظبط فى شريك حياتك ..طول ما هتفضل متردد و السنين بتجرى لحد ما تلاقى نفسك مضطر تتجوز اى حد و خلاص
فى التأنى السلامة
لكن التأنى المفيد ..الى بيزود معلوماتك عن الموضوع
او الى بتبحث فيه فى الامر ..او بتستشير فيه اهل الخبرة
لكن التردد دا من علامات ضعف الثقة فى النفس بسبب الخوف الدائم من اتخاذ القرار
و عدم ثقتك فى قدرتك على اصلاح قرارك لو طلع خاطىء
ليست هناك تعليقات:
إرسال تعليق