محدش بيساعدنى

فيه ناس بتقيس نجاح علاقاتها الاجتماعية بمقدار الدعم و المساندة و المواساة الى بتتقدم ليهم لما يكونوا محتاجين المساعدة

و دا بيخليهم طول النهار يفكروا فى فلان الى ماساعدش و فلان الى طنش و علان الى خذلهم و ترتان الى ماوقفش جنبهم و دا بيسبب لهم تعاسة رهيبة
و طول النهار يتكلموا عن خيانة الصديق و ندالة الاهل و خذلان الحبيب

عارف لو استمريت كدة هتفضل طول عمرك حاسس ان الناس وحشة و انك وحيد و غلبان و محدش واقف جنبك و محدش يستاهل
طب ما تغير اسلوب التفكير و جرب
فكر فى انت عملت ايه
فكر فى وقفتك جنب صحبك فلان فى ازمته
فى مساندتك لفلان فى محنته
فى مساعدتك لفلان لحل مشكلته
فكر انت قدمت ايه للناس و اسعد بما تقدمه انت و احمد ربنا على انه جعلك سبب لتفريج كربتهم و ابتغ الثواب منه
ركز على مافعلته انت للاخرين و ما ستفعله مستقبلا و اسعد بيه
و لا تجعل تركيزك على مافعله الناس لك ...فان هذا باب رهيب للتعاسة
اقفله و ياريت كمان تسده خالص