مشكلات ليس لها حل

الانسان السعيد مدرك تماما ان هناك فى حياته مشكلات ليس لها حل لابد ان يتعايش معها و لا يجعلها سبب مزمن للنكد و الهم و الكآبة

من الحكمة ان تفرق بين المشكلات الى ممكن تتحل و هى المشكلات التى تملك جميع مفاتحها بيدك وحدك

زى مشكلة نفسية او سلوكية فيك انت شخصيا
زى مشكلة مادية مؤقتة هتقدر تتصرف فيها
حاجة بايظة فى بيتك عايزة تتصلح و انت مكسل
هدف ممكن تحققه بالكثير من الاجتهاد و العمل

لكن فيه مشكلات مش هتقدر تصلحها على المدى القريب
زى مشكلة نفسية او سلوكية فى اب او ام او اخ او زوج او ابن
زى مشكلة مادية مزمنة حاولت كتير تحلها و فشلت
زى مرض جسمانى مزمن او اعاقة
زى وفاة عزيز عليك

علشان تعيش سعيد لازم تتقبل ان كل الناس بلا استثناء عندهم مشاكل مالهاش حل
فاما انك تعيش جوة مشكلتك ليل نهار تنكد عليك عيشتك و تحاصرك و تسيطر على تفكيرك الى مش هيقودك الى اى حل
او انك تتكيف و تتعايش بمعنى ان تحصر تماما المعاناة فى وقتها فقط و الا تفكر فيها كثيرا و تحاول تتناساها و تدور على سعادتك فى حاجة تانية تشغلك عنها

زى كدة المصاب بمرض السكر
هيعانى فى بعض الاوقات من ارتفاع السكر او انخفاضه
هيعانى من مضاعفات المرض مع الوقت
لكن مش هيقعد ليل نهار متأزم من انه مريض و بياخد حقنة الانسولين
بيتعود خلاص و يتكيف و معدش المرض بيأثر على حالته النفسية