وهذا يقتضى ان نجاح الطفل فى هذا النظام الفاشل غير مرتبط اطلاقا بنجاحه المستقبلى
يعنى لما الاقى ابنى مش ناجح فى النظام الفاشل ما اقلقش عليه
و ما اعملش حساب لكلام الناس و نقدهم و كلام حماتك و مقارنات بيعملوها بين ابنك و ابن سلفتك و لا بين ابنك و ابن الجيران
و لا اعد اضغط على الولد بوسائل لعينة من الضغط النفسى و الدروس الخصوصية المرهقة و اضيع تلات اربع حياته (9 شهور كل 12 شهر )علشان ينجح فى نظام اصلا فاشل
هل هتقدر تعمل كدة ؟
لو قدرت انك تقتنع تماما بالفكرة دى
و انك تبقى واثق فى ابنك اكتر مما انت عليه و تديله الثقة دى
و تبقى واثق فى تربيتك و عارف انت هتعمل معاه ايه علشان تعوض الفشل دا وواثق فى نفسك
و ما يهمكش كلام الناس حتى المدرسين والى بيقولوه على ابنك
لو قدرت تعمل كدة يبقى غالبا كل كلامى بعد كدة هيبقى مفيد ليك
لكن لو مش قادر ...
يبقى غالبا هتكون انت السبب فى الفشل الى ممكن يحصل لابنك بعد كدة لانه هيفضل فاشل فى الدراسة و هيفشل فى حياته كلها
بسبب العقد النفسية و الكلاكيع الى انت طورتها و غذتها فيه
و ماتعدش تقول بعد كدة الولد غبى
مفيش طفل غبى و لا مؤاخذة الا لو كان متخلف عقليا و عنده مرض عقلى
المشكلة فى الاباء و الامهات
ليست هناك تعليقات:
إرسال تعليق