تأتينى اسئلة كثيرة جدا عن خيانة الزوج ....
و غالبا تتساءل الزوجة و هى محملة بالاستياء و الألم و الغضب و كل المشاعر السيئة التى نعرفها و التى لانعرفها ....و تقول بجنون لماذا ؟
و هذا السؤال يصعب جدا اجابته بشكل فردى الا بمعرفة تفصيلية بشخصية و تاريخ الزوج و تاريخ علاقتهم الزوجية و تفاصيلها لمعرفة السبب
الرجل اصلا لايستطيع العيش بدون امرأة فى حياته ....عاش آدم فى الجنة وحيدا فخلق ربنا حواء ليسكن اليها
ولذلك فان اقوى احتياجاته انثى تحتويه
قال ربنا عز وجل و هو الأعلم بخلقه ( زين للناس حب الشهوات من النساء ) ...اول حب يحبه الرجال هو النساء
وقال رسولنا عليه أفضل الصلاة و السلام (ما تركت بعدي فتنةً أضر على الرجال من النساء)
و لذلك فان لم يجد هذا الاحتواء من انثاه فانه يبحث عن اخرى تعوض هذا النقص
و كتب الكثيرون من علماء النفس عن اسباب خيانة الرجل و منها
- زواج دائم المشاكل و الشجار ...والذى يجعله اما يواجه بدخول المعركة او يهرب الى واحدة تانية تمنحه دعم نفسى لمواجهة معاركه ...
هو بيقول فى عقل باله طالما انا لا اؤذى حد و دا بيريحنى طب ليه لأ
- حالة الملل و الرتابة التى يمر بها الزواج ...و الى بتخليه يدور على الاثارة و المتعة فى علاقة اخرى بدل ما يعالج الرتابة الى فى حياته الزوجية ..بيلاقى العلاقة الجديدة اسهل
- فيه نوعية من الرجالة طبيعتهم النفسية ما ينفعش يعيشوا حياة جنسية مع واحدة بس ..و عايز يجرب الجنس مع اخرى و يستمتع بتعدد علاقاته الجنسية و يجد فيها التميز و القوة
- لما تكون زوجته عاجزة عن منحه احتياجاته العاطفية و النفسية
الراجل دايما محتاج تقدير لجهوده
محتاج يتمدح
محتاج حد يهتم بيه و برعايته
محتاج حد يعجب بيه
و لما زوجته ماتديلوش الحاجات دى بينجذب جدا لاى زميلة بتديله كلمات الاعجاب و التشجيع و المدح و التقدير والاهتمام
- التربية فى الصغر على ان الخيانة عادى ..
اما انه عاصر خيانة احد الوالدين
او ان الاب و الام و المجتمع حواليه مكانش عندهم مشكلة فى تعدد علاقاته..ويمكن تلاقى ابوه بيلاقى فيه الى مقدرش هو يعمله و بيشجعه
فبيعمل علاقات بكذا بنت قبل الزواج وكان دا بيديله احساس بالانجاز
و لما بيحس بالفشل فى حياته المهنية او الزوجية بعد كدة وانه لا ينجز شيئا بيرجع تانى لتعدد العلاقات الى بتحسسه بالانجاز و بقدارته ك-دون جوان
- فيه رجالة عندها رغبة فى الطلاق بس مش قادر ياخد القرار فيلجأ الى الخيانة علشان مراته تطلب الطلاق ودا بتكون خيانته علنية و بيتبجح بها
- لما الزوج يحس ان مراته مش محتاجه ليه ...الرجل لم بيحس ان معدش له فايدة فى حياة مراته بينجذب لاى واحدة بتخليه يحس انها محتاجه ليه ..علشان كدة بنلاقى عندهم شهامة غريبة مع النساء الاغراب لانه بيستمتع بهذا الاحساس
ولو استمرت الاخرى فى التعبير عن احساسها بالاحتياج بينجذب ليها عاطفيا
- فيه رجالة عندهم عقدة نفسية من خيانة والدتهم او خيانة حبيبة سابقة و بيبدأ ينتقم بشكل غير واعى تماما بخيانة زوجته ..بينتقم من جنس النساء كلهم
النفوس الانسانية مختلفة
و كلنا - مش الرجال بس - عندنا نقاط ضعف ممكن أى طرف ثالث يدخل منها بسهولة
وعندما تشتعل المشاعر و الغرائز البدائية و الاحتياجات و الرغبات بتكون مصيبة
لكن يظل الضمير و العقل و رقابة ربنا هو الحاكم لتصرفاتنا و سلوكياتنا لو ربنا اعاننا على نفسنا
(والا تصرف عنى كيدهن أصب اليهن )
و تظل المرأة السكن هى حلم كل راجل (ليسكن اليها )
وتظل المرأة الحكيمة الى فاهمة كويس نفسية جوزها و عارفة بالظبط نقطة ضعفه و بتحاول تشبعه بكل طاقتها هى المرأة الناجحة فى حياتها الزوجية
و مع ذلك فيه نوعيات كما ذكرنا الخيانة بتجرى فى دمهم و صعب جدا اقتلاعها
ليست هناك تعليقات:
إرسال تعليق