قال : ازاي ممكن حد يعرف ان بقا فيه فتور في حبه لشريك حياته ؟ وازاى ممكم يحميه من انه يبص برة
الفتور امر واقع لابد منه ولافرار منه
طبيعى جدا ان العلاقة بتيجى عليها فترات بتحس فيها بالروتين و الملل و دا طبيعى
اتنين قاعدين فى وش بعض شهور و سنين ...يوم عسل و يوم بصل
اكيد هييجى عليهم وقت يزهقوا من بعض
المهم ان يبقى التجديد دايما من اساسيات حياتنا و من اولوياتنا
التجديد بكسر الروتين و اساليبه كتيرة جدا
لو بنتكلم مع بعض يبقى نغير فى المكان الى بنتكلم فيه ..و نخرج فى الكافيهات او الاماكن المحببة لينا
نمارس انشطة جديدة مع بعض
نمارس العلاقة الجنسية بشكل مختلف و فى اماكن مختلفة
نعبر عن مشاعرنا باشكال مختلفة
نبعد عن بعض شوية بالسفر للتجديد
اما الخوف من دخول طرف تالت فدا حفظ من ربنا اولا و اخيرا
انا شفت زيجات كان بيتضرب بيها المثل فى السعادة و التفاهم و الراجل برده حب او عمل علاقة تانية
و شفت حالات الراجل نموذج مثالى بكل معنى الكلمة فى كل حاجة بشهادة مراته بس حبت زميلها فى الشغل او صديق على الفيس
فانت الى عليك تعمل التجديد المستمر لحياتك و لعلاقتك لتجديد المشاعر
والقلوب دى بين اصبعين من اصابع الرحمن يقلبها كيف يشاء
فيه نوع من الحب بييجى كدة زى القضا المستعجل مالوش اسباب ...كيمياء بتشتغل جوة الجسم مالهاش اى منطق
كمان وعيك بذاتك بتخليك عارف نقطة ضعفك
يعنى بتلاقى نفسك بتجذبك نوعية معينة من النساء تثير اعجابك ...غالبا بتكون نقطة ضعف عند زوجتك فبتجذب انتباهك
او هى بتلاقى نفسها بتنجذب لنوعية معينة من الرجال تثير اعجابها غالبا بيبقى فيهم الى مش موجود فى زوجها
و الكمال لله وحده ..مفيش حد كامل ...ومش هتقدر تكون كامل فى نظر شريك حياتك
فكل واحد يكون مسئول عن قلبه و يفر من الناس دى فراره من الاسد و مايعدش يقول انا جدع و محصن وانا سعيد فى حياتى الزوجية و مش ممكن هحب او اتعلق بحد
فمن حام حول الحمى اوشك ان يقع فيها
اللهم احفظنا و احفظ ازواجنا يارب
ليست هناك تعليقات:
إرسال تعليق