يسأل الطفل اسئلة يحار فى إجابتها الآباء
أهم حاجة فى الاجابة انها تكون صادقة و بسيطة يقدر يستوعبها و تشبع رغبته فى المعرفة
و تتفاوت الاجابة عن السؤال دا على حسب عمر الطفل
من اول سن اربع سنين حتى مرحلة المراهقة الى لازم فيها الابن يعرف كل التفاصيل العلمية الصحيحة
اعمل حسابك ان اسئلة الطفل بيطرحها مع اصحابه يعنى مش انت المصدر الوحيد
و لو ما اقتنعش هياخد اى اجابة من حد تانى
و دلوقت الاطفال بيدخلوا على الانترنت و ممكن يجيبوا اى سؤال يخطر ببالهم ..و لو حس انك غير صادق هيروح يسأل حد تانى
أول الطفل مايسأل السؤال دا قوليله
انا لما اتجوزت بابا و دعيت ربنا يرزقنى بطفل ..
ربنا استجاب لدعوتى و خلقك جوة بطنى صغنن صغنن
و بدأت تكبر شوية شوية من الاكل الى باكله و بيوصل لك
لحد بعد تسع شهور بتخرج و تعيش و ترضع
البيبى بيخرج منين ؟
أى حاجة جوة الجسم بتخرج برة الجسم من فتحات معينة
زى الهوا ما بيخرج من مناخيرنا و بقنا
و البيبى بيخرج من فتحة البيبى
و الكخ بيخرج من فتحة الكخ
فيه فتحة تحت البطن جنب فتحة البيبى بيخرج منها البيبى
ليه طنط فلانة معندهاش بيبى ؟
علشان هى مش متجوزة
أو علشان ربنا لسة مجابلهاش بيبى لو متجوزة
فى السن الصغير بتكون الاجابة دى شايفة كافية
لكن لما بيكبر شوية بيبقى عايز يعرف طب ليه دا بيحصل للمتجوزين بس
بيحصل للمتزوجين علشان البيبى دا مسئولية كبيرة ماينفعش واحد بس يبقى مسئول عنه
ماما بترضعه و تغير له و تأكله و تحميه و تدفيه و تلاعبه
و بابا كمان بيساعدها و بيشتغل علشان يجيب فلوس بنشترى له هدومه و لعبه و أكله و سريرة
فلازم الاتنين يكونوا مع بعض
و لما يكبر كمان و يغوط فى السؤال و تلاقيه بياخد فى العلوم ان كل كائن حى بيتكون من نطفتين خلية من الأب و خلية من الام و يسألك ؟
قوليله ايوة الانسان بيتكون من خلية من الأب وخلية من الأم و الخلايا دى بتتصنع داخل جسم الأب و الأم و ربنا مجهزها علشان لما يتجوزوا تتكون الخلية الاولية الى بتتكاثر و يكون الجنين
طب و ازاى بتتنقل ؟
بتتنقل من خلال قناة معينة ربنا خلقها فى الرجل بتدخل فى جسم المرأة علشان ينقل فيها الخلايا
و القناة دى فين ؟
القناة دى موجودة فى جسم الراجل و مش بتظهر الا لما بيكبر و انت لما تكبر (لو ولد ) هتشوفها تحت البطن برده
طبعا الكلام دا لما دون سن العاشرة
لو بدأ يسأل بعد سن العاشرة تقريبا او على قرب البلوغ او لو طفل ذكى و اسئلته كتير
بيتشرح الموضوع تفصيليا و دلوقت فيه رسوم توضيحية و فيديوهات على اليوتيوب بتشرح العملية بشكل علمى تماما
بيتشرح الجانب التشريحى للجهاز التناسلى للمرأة و الرجل
و تتشرح العملية التناسلية كعملية اجرائية لنقل المنى من الرجل الى المرأة
و الابن بعد المراهقة يتشرح له الغريزة و الشهوة و الاحاسيس الى بيحس بيها تجاه الجنس الآخر و الحب و المشاعر المختلفة الى ممكن يحس بيها
لو حد صادف اسئلة تانية من أولاده يطرحها و هرد عليها ان شاء الله
ليست هناك تعليقات:
إرسال تعليق