يشكو الشباب و البنات من تصاعد الخوف من الزواج
لدرجة ان البنات بقت بترفض اى حد يتقدم لها خوفا من الفشل
و الشباب بأة متردد جدا فى موضوع الخطوبة
و من أى مشكلة تحصل بين الاتنين يفركشوها بدون اى محاولات للاصلاح
أولا : حاول تفهم و تعرف انت خايف من ايه بالظبط ؟
هل خايف من نفسك ؟ هل عندك مشكلات نفسية اوعادات سيئة او مشكلات حياتية ممكن تأثر على علاقتك الزوجية ؟
هل خايف من الطرف التانى ؟ هل انت شايف مشكلات فى الجنس الاخر مش هتقدر تعالجها او تتكيف معاها ؟
هل خايف من العلاقة نفسها ؟ هل خايف من المسئولية ؟ هل انت من النوع مابيعرفش يعمل علاقات حميمة مع الاخرين ؟ هل خايف على حريتك ؟ هل خايف على طموحك ؟
هل خايف من علاقات سابقة فشلت ؟
خايف ما تعرفش تكون مخلص و هتفقد البنات الى حواليك ؟
خايفة تكونى أقل من فلانة و الا علانة و الناس يتكلموا عليكى
خايف من تجارب الفشل الى حواليك ؟
حدد بالظبط انت خايف من ايه
ثانيا : اكتب اسبابك الخاصة كلها ...و حاول تحط حلول منطقية ليها
تخيل ان صاحبك هو الى بيشتكيلك من الخوف دا ...هتقول له ايه ؟
لو فيك عيوب حاول تعالجها و تصلحها من دلوقت
او شايف عيوب فى الجنس الاخر اقرأ و اتعلم ازاى تتعامل مع العيوب دى او تتكيف معاها
لو خايف من المسئولية و الحرية و الطموح يبقى اختار حد يشاركك مش واحد حمل عليه ..اختار حد يشجعك على تحقيق طموحك مش يكسر مآديفك ..اختار حد يحترم حريتك
لازم تفهم ان الجواز زى اى تجربة فى حياتنا ...ممكن تنجح و ممكن تفشل
و فشلها ليس نهاية الحياة
و انا بلاقى ان نسبة النجاح فى الزواج للمرة التانية بتكون اكتر
لان كل منهما بينضج و بيبقى عارف هو عايز ايه فى الآخر و بيقى عنده قدرة على التحمل و التكيف اكبر لانه مش عايز يفشل للمرة التانية ..يعنى رغبته فى النجاح بتكون اكبر
ثالثا : حدد خطوات عملية وابدأ فى تنفيذها لاصلاح الذات و التعلم عن الآخر
ماتقلش انا عايز واحد يقبلنى بعبلى و مصايبى و مشاكلى ....طب ما نحاول نصلح بيننا و بين بعض الاول و نطور نفسنا علشان نكون اهل للزواج
ماتقلش الزواج شر لابد منه ...لان طول ماانت داخله و انت خايف و فاكر انه شر مش هتشوف فيه الا الشر
حتى لو لقيت فيه اى خير هتقول اهو دا الخير الذى يسبق الشر ...بلاش النظرة التشاؤمية دى
الزواج بينجح بين شخصيتين على درجة كبيرة من النضج و الاستقرار النفسى ....فاسع الى هذا النضج و الاستقرار و صلح نفسك من دلوقت
الجيل دلوقت عنده فرصة اكبر للنجاح
دلوقت العلم بأة متاح فى كل مكان على شبكة الانترنت تعلم و طور مهاراتك العاطفية و النفسية و الاجتماعية و اتعلم فنون التواصل و مهارات التفاوض و مهارات القيادة و العمل كفريق و دى مهارات مهمة لنجاح الجواز
لدرجة ان البنات بقت بترفض اى حد يتقدم لها خوفا من الفشل
و الشباب بأة متردد جدا فى موضوع الخطوبة
و من أى مشكلة تحصل بين الاتنين يفركشوها بدون اى محاولات للاصلاح
أولا : حاول تفهم و تعرف انت خايف من ايه بالظبط ؟
هل خايف من نفسك ؟ هل عندك مشكلات نفسية اوعادات سيئة او مشكلات حياتية ممكن تأثر على علاقتك الزوجية ؟
هل خايف من الطرف التانى ؟ هل انت شايف مشكلات فى الجنس الاخر مش هتقدر تعالجها او تتكيف معاها ؟
هل خايف من العلاقة نفسها ؟ هل خايف من المسئولية ؟ هل انت من النوع مابيعرفش يعمل علاقات حميمة مع الاخرين ؟ هل خايف على حريتك ؟ هل خايف على طموحك ؟
هل خايف من علاقات سابقة فشلت ؟
خايف ما تعرفش تكون مخلص و هتفقد البنات الى حواليك ؟
خايفة تكونى أقل من فلانة و الا علانة و الناس يتكلموا عليكى
خايف من تجارب الفشل الى حواليك ؟
حدد بالظبط انت خايف من ايه
ثانيا : اكتب اسبابك الخاصة كلها ...و حاول تحط حلول منطقية ليها
تخيل ان صاحبك هو الى بيشتكيلك من الخوف دا ...هتقول له ايه ؟
لو فيك عيوب حاول تعالجها و تصلحها من دلوقت
او شايف عيوب فى الجنس الاخر اقرأ و اتعلم ازاى تتعامل مع العيوب دى او تتكيف معاها
لو خايف من المسئولية و الحرية و الطموح يبقى اختار حد يشاركك مش واحد حمل عليه ..اختار حد يشجعك على تحقيق طموحك مش يكسر مآديفك ..اختار حد يحترم حريتك
لازم تفهم ان الجواز زى اى تجربة فى حياتنا ...ممكن تنجح و ممكن تفشل
و فشلها ليس نهاية الحياة
و انا بلاقى ان نسبة النجاح فى الزواج للمرة التانية بتكون اكتر
لان كل منهما بينضج و بيبقى عارف هو عايز ايه فى الآخر و بيقى عنده قدرة على التحمل و التكيف اكبر لانه مش عايز يفشل للمرة التانية ..يعنى رغبته فى النجاح بتكون اكبر
ثالثا : حدد خطوات عملية وابدأ فى تنفيذها لاصلاح الذات و التعلم عن الآخر
ماتقلش انا عايز واحد يقبلنى بعبلى و مصايبى و مشاكلى ....طب ما نحاول نصلح بيننا و بين بعض الاول و نطور نفسنا علشان نكون اهل للزواج
ماتقلش الزواج شر لابد منه ...لان طول ماانت داخله و انت خايف و فاكر انه شر مش هتشوف فيه الا الشر
حتى لو لقيت فيه اى خير هتقول اهو دا الخير الذى يسبق الشر ...بلاش النظرة التشاؤمية دى
الزواج بينجح بين شخصيتين على درجة كبيرة من النضج و الاستقرار النفسى ....فاسع الى هذا النضج و الاستقرار و صلح نفسك من دلوقت
الجيل دلوقت عنده فرصة اكبر للنجاح
دلوقت العلم بأة متاح فى كل مكان على شبكة الانترنت تعلم و طور مهاراتك العاطفية و النفسية و الاجتماعية و اتعلم فنون التواصل و مهارات التفاوض و مهارات القيادة و العمل كفريق و دى مهارات مهمة لنجاح الجواز
ليست هناك تعليقات:
إرسال تعليق