سألت : دكتورة دعاء هو الواحد بيستفيد ايه من الجواز؟
بما إن الحب بيروح وبيبقى عامل زي أختك وأخوك. ياريت حضرتك لو تكتبيلنا بوست عن الموضوع ده.. بنات كتيييير نفسها تلاقي جواب وبتقنع نفسها بس عشان هرمونات واحتياجات لكن أنا خايفة بعد ما الحاجات دي كلها تروح نفوق واحنا مش فاهمين إحنا دبسنا نفسنا ليه في المسؤولية دي كلها!
حبيبتى :
سؤال وجيه جدا ومهم
هو الواحد بيستفيد ايه من الجواز ؟
انا من حوالى 15 سنة سألت نفسى السؤال دا ...
انا ايه الى وقعنى الواقعة دى ...انا مستفيدة ايه من الوضع دا
مسئوليات و مشاكل و هموم و راجل واهله وعياله و بيته دا غير شغلى
انا عملت فى نفسى كدة ليه ؟
بس انا برده قلت الزواج موجود من اول الخليقة ..من اول آدم و حواء ...
اكيد له فايدة غير الانجاب
بدليل ان الرسول تزوج الكثيرات و لم ينجب ..
يعنى الانجاب ملوش علاقة بالزواج دا قرار و دا قرار تانى ممكن نأجله او حتى نرفضه لو مش عايزين
طب كلام ربنا الى خالقنا و هو الادرى بينا قال انه آية من آياته وجعل له تلات فوايد نفسية ...سكينة و مودة و رحمة
طب انا مش لاقية التلاتة ليه ؟؟؟
بدأت قراءاتى و دراساتى عن الزواج فانا لم اتعود الفشل و زواجى اعتبرته انه فاشل لانى مش لاقية فيه التلاتة دول
و بدأت أبحث عن الموضوع لقيت ان المشكلة مش فى الجواز ...بدليل ان فيه جوازات ناجحة و محققه لطرفيها السكينة و المودة و الرحمة
لقيت المشكلة فى المتجوزين و عقدهم النفسية الى بيطلعوها على بعض
فقلت يبقى ناخد اتجاه التنمية البشرية ..العقلية و النفسية
لان التزامنا الدينى احنا الاتنين مش محقق لينا السعادة والنجاح
لما بدأت أغير فى نفسى و أطور فيها ..فى طريقة تفكيرى و طريقة حلى للمشكلات و اتخاذ القرارات
لما بدأت اشبع احتياجاتى النفسية من جوايا و لا القى باللائمة عليه ...
يعنى عايزة احس بالامان اجيبه من جوة ..من جوايا أنا من ايمانى بالله و بنفسى و ثقتى فى نفسى ...
عايزة احس بالتقدير اجيبه من جوة ..من افكارى و تقديرى لذاتى ..
عايزة احس بالنجاح اجيبه من جوة ..من عاداتى و اجتهادى و عملى
عايزة احسن بالسعادة و البهجة ...يبقى مما افعله من نشاطات و علاقات سعيدة
وزوجى كذلك ..اكتشفنا انه محملنى مسئوليات نفسية هو كان عايزها و كانت عبء و حمل رهيب
حاسس بالملل عايزنى ابهره و اتشقلب على كل لون
حاسس بالهم والمسئولية يرميها على
مشغول بتحقيق طموحه يبقى اتلهى و اتكتم و اعد اهتف طول النهار و الليل لانجزاته لحد مايحقق طموحه الى مش بيخلص
حاسس بالرغبة عيزنى جاهزة و مقبلة فى اى وقت واى مكان
بأة كل واحد بيسأل نفسه ..مشاعرى دى بتاعتى انا ماذنب الآخر احمله مسئولية زى دى ؟
لما كل واحد اتحمل مسئولية نفسه ..بأة عندنا قدرة على العطاء و ليس الطلب
بقينا راضيين عن بعض ..مش متذمرين و لا قرفانين و لا طهقانين من بعض
بأه عندنا قدرة على تحمل المسئولية مش القاءها على التانى ..انت المفروض الى تعمل
بأة عندنا رغبة ان كل واحد يعمل الى يقدر عليه ....مش انت لازم و انت المفروض و انت وانت
بأة عندنا قدرة على الاستمتاع بالحياة مع بعض ....لان قل جدا التذمر و الاستياء و الألم
بقينا بنتكلم مع بعض بدون اتهامات متبادلة
بقينا بنتحاور حول المشكلات و احنا مش عايزين عكننة و عايزين نحل المشكلة
بأة كل واحد بيدور هو عمل ايه و معملش ايه ...مش كل واحد يدور التانى عمل ايه و ماعملش ايه
عارفة بالظبط زى ايه
زى لما واحد بيعمل شركة
و تعد الشركة تكبر و تكبر و تكبر
و بعدين يدمجها مع شركة تانية علشان يكبروا هم الاتنين مع بعض و معدل النجاح يكون اعلى
لما الاتنين يكونوا على درجة جيدة من النضج النفسى و عدم الاحتياج بيلاقوا السعادة و النجاح
عزيزتى : طول ما انت بتفكرى انا هستفيد ايه من الجواز
التفكير دا يدل على بعض الانانية وقلة النضج
طب ما تفكرى بنضج اكتر و تقولى انا مش محتاجة للجواز لان الجواز مش هيفيدنى بحاجة
طب ما انا استفيد بالمشاركة و التعاون علشان نكبر مع بعض و نكبر عيال مع بعض
لما بتتجوزى بعد النضوج النفسى او تنضجى بعد فترة من الجواز بتحس انى استفدت كتييير
استفدت انسان يقف جنبى لتحقيق نجاحى و طموحاتى
انسان يشاركنى لحظات السعادة و الألم ..يشاركنى حياتى كلها
يسمعنى و يفهمنى و يطبطب على و يوجهنى لو احتجت ..اكتسبت صديق
و اكتسبت حبيب فى اوقات الرومانسية و الحب
استفدت انى كنت داعم و مساعد لطبيب ناجح و متميز و يشهد الجميع بكفاءته
استفدت انى ربيت عيال علمتهم من دلوقت ازاى يكونوا ناضجين نفسيا و عقليا و معتمدين تماما على نفسهم الا الاعتماد المالى (حاليا )
مايفضلوش محتاجين لينا طول العمر و لا محملينا مسئولية عقدهم النفسية
دى تجربتى الشخصية
و نجاحى بعد التجربة هو الى دفعنى انى اكتب و اكتب و اتكلم مع الناس و اقولهم المشكلة ياجماعة مش فى الجواز المشكلة فى الناس الى بتتجوز ..
المشكلة فى كل واحد لوحده انه قاعد يرمى بالمسئولية على التانى و مش عارف لا يطور نفسه و لا يطور اولاده و بيطلعوا كمان عيال اعتمادية و دلوعة
كل واحد قاعد يهتف بص شوف التانى هيعمل ايه و لما ما يكونش على مستوى التوقعات يحبط
كل واحد قاعد يلقى بالاتهامات على التانى و يقول له انت السبب من غير ما يبص لنفسه
و على رأى زوجى
طول ما كل واحد بيفكر التانى هيسعدنى ازاى محدش هيعيش سعيد
فكر أنا ممكن أسعد التانى ازاى ..بس المهم يكون التفكير دا متبادل و ليس من طرف واحد بس
بما إن الحب بيروح وبيبقى عامل زي أختك وأخوك. ياريت حضرتك لو تكتبيلنا بوست عن الموضوع ده.. بنات كتيييير نفسها تلاقي جواب وبتقنع نفسها بس عشان هرمونات واحتياجات لكن أنا خايفة بعد ما الحاجات دي كلها تروح نفوق واحنا مش فاهمين إحنا دبسنا نفسنا ليه في المسؤولية دي كلها!
حبيبتى :
سؤال وجيه جدا ومهم
هو الواحد بيستفيد ايه من الجواز ؟
انا من حوالى 15 سنة سألت نفسى السؤال دا ...
انا ايه الى وقعنى الواقعة دى ...انا مستفيدة ايه من الوضع دا
مسئوليات و مشاكل و هموم و راجل واهله وعياله و بيته دا غير شغلى
انا عملت فى نفسى كدة ليه ؟
بس انا برده قلت الزواج موجود من اول الخليقة ..من اول آدم و حواء ...
اكيد له فايدة غير الانجاب
بدليل ان الرسول تزوج الكثيرات و لم ينجب ..
يعنى الانجاب ملوش علاقة بالزواج دا قرار و دا قرار تانى ممكن نأجله او حتى نرفضه لو مش عايزين
طب كلام ربنا الى خالقنا و هو الادرى بينا قال انه آية من آياته وجعل له تلات فوايد نفسية ...سكينة و مودة و رحمة
طب انا مش لاقية التلاتة ليه ؟؟؟
بدأت قراءاتى و دراساتى عن الزواج فانا لم اتعود الفشل و زواجى اعتبرته انه فاشل لانى مش لاقية فيه التلاتة دول
و بدأت أبحث عن الموضوع لقيت ان المشكلة مش فى الجواز ...بدليل ان فيه جوازات ناجحة و محققه لطرفيها السكينة و المودة و الرحمة
لقيت المشكلة فى المتجوزين و عقدهم النفسية الى بيطلعوها على بعض
فقلت يبقى ناخد اتجاه التنمية البشرية ..العقلية و النفسية
لان التزامنا الدينى احنا الاتنين مش محقق لينا السعادة والنجاح
لما بدأت أغير فى نفسى و أطور فيها ..فى طريقة تفكيرى و طريقة حلى للمشكلات و اتخاذ القرارات
لما بدأت اشبع احتياجاتى النفسية من جوايا و لا القى باللائمة عليه ...
يعنى عايزة احس بالامان اجيبه من جوة ..من جوايا أنا من ايمانى بالله و بنفسى و ثقتى فى نفسى ...
عايزة احس بالتقدير اجيبه من جوة ..من افكارى و تقديرى لذاتى ..
عايزة احس بالنجاح اجيبه من جوة ..من عاداتى و اجتهادى و عملى
عايزة احسن بالسعادة و البهجة ...يبقى مما افعله من نشاطات و علاقات سعيدة
وزوجى كذلك ..اكتشفنا انه محملنى مسئوليات نفسية هو كان عايزها و كانت عبء و حمل رهيب
حاسس بالملل عايزنى ابهره و اتشقلب على كل لون
حاسس بالهم والمسئولية يرميها على
مشغول بتحقيق طموحه يبقى اتلهى و اتكتم و اعد اهتف طول النهار و الليل لانجزاته لحد مايحقق طموحه الى مش بيخلص
حاسس بالرغبة عيزنى جاهزة و مقبلة فى اى وقت واى مكان
بأة كل واحد بيسأل نفسه ..مشاعرى دى بتاعتى انا ماذنب الآخر احمله مسئولية زى دى ؟
لما كل واحد اتحمل مسئولية نفسه ..بأة عندنا قدرة على العطاء و ليس الطلب
بقينا راضيين عن بعض ..مش متذمرين و لا قرفانين و لا طهقانين من بعض
بأه عندنا قدرة على تحمل المسئولية مش القاءها على التانى ..انت المفروض الى تعمل
بأة عندنا رغبة ان كل واحد يعمل الى يقدر عليه ....مش انت لازم و انت المفروض و انت وانت
بأة عندنا قدرة على الاستمتاع بالحياة مع بعض ....لان قل جدا التذمر و الاستياء و الألم
بقينا بنتكلم مع بعض بدون اتهامات متبادلة
بقينا بنتحاور حول المشكلات و احنا مش عايزين عكننة و عايزين نحل المشكلة
بأة كل واحد بيدور هو عمل ايه و معملش ايه ...مش كل واحد يدور التانى عمل ايه و ماعملش ايه
عارفة بالظبط زى ايه
زى لما واحد بيعمل شركة
و تعد الشركة تكبر و تكبر و تكبر
و بعدين يدمجها مع شركة تانية علشان يكبروا هم الاتنين مع بعض و معدل النجاح يكون اعلى
لما الاتنين يكونوا على درجة جيدة من النضج النفسى و عدم الاحتياج بيلاقوا السعادة و النجاح
عزيزتى : طول ما انت بتفكرى انا هستفيد ايه من الجواز
التفكير دا يدل على بعض الانانية وقلة النضج
طب ما تفكرى بنضج اكتر و تقولى انا مش محتاجة للجواز لان الجواز مش هيفيدنى بحاجة
طب ما انا استفيد بالمشاركة و التعاون علشان نكبر مع بعض و نكبر عيال مع بعض
لما بتتجوزى بعد النضوج النفسى او تنضجى بعد فترة من الجواز بتحس انى استفدت كتييير
استفدت انسان يقف جنبى لتحقيق نجاحى و طموحاتى
انسان يشاركنى لحظات السعادة و الألم ..يشاركنى حياتى كلها
يسمعنى و يفهمنى و يطبطب على و يوجهنى لو احتجت ..اكتسبت صديق
و اكتسبت حبيب فى اوقات الرومانسية و الحب
استفدت انى كنت داعم و مساعد لطبيب ناجح و متميز و يشهد الجميع بكفاءته
استفدت انى ربيت عيال علمتهم من دلوقت ازاى يكونوا ناضجين نفسيا و عقليا و معتمدين تماما على نفسهم الا الاعتماد المالى (حاليا )
مايفضلوش محتاجين لينا طول العمر و لا محملينا مسئولية عقدهم النفسية
دى تجربتى الشخصية
و نجاحى بعد التجربة هو الى دفعنى انى اكتب و اكتب و اتكلم مع الناس و اقولهم المشكلة ياجماعة مش فى الجواز المشكلة فى الناس الى بتتجوز ..
المشكلة فى كل واحد لوحده انه قاعد يرمى بالمسئولية على التانى و مش عارف لا يطور نفسه و لا يطور اولاده و بيطلعوا كمان عيال اعتمادية و دلوعة
كل واحد قاعد يهتف بص شوف التانى هيعمل ايه و لما ما يكونش على مستوى التوقعات يحبط
كل واحد قاعد يلقى بالاتهامات على التانى و يقول له انت السبب من غير ما يبص لنفسه
و على رأى زوجى
طول ما كل واحد بيفكر التانى هيسعدنى ازاى محدش هيعيش سعيد
فكر أنا ممكن أسعد التانى ازاى ..بس المهم يكون التفكير دا متبادل و ليس من طرف واحد بس
ليست هناك تعليقات:
إرسال تعليق