حسن الاستقبال

من الحاجات الى بتسعد الراجل جدا
حسن استقباله

فى موعد دخوله البيت

غيرى هدومك و سرحى شعرك و حطى بارفان و اغسلى سنانك و خلى منظرك حلو

ومش منظرك بس
خليكى من جوة حلوة
حاكم جمال الشكل مش بيقدر يدارى سوء القلب ابدا
نضفى قلبك مهما كان عمل و مهما قصر و مهما أهمل

اتعلمى ازاى تلتمسى العذر ..مايعرفش ...ما اخدش باله ....ما افتكرش ...هو تعبان ...هو مرهق ....ياعينى زهقان ...حران ...بردان ....قرفان

المهم حاولى تلاقيله اى عذر

و قولى دايما لنفسك
و دى كلمة انا طول النهار بقولها لنفسى

( ادفع بالتى هى احسن فاذا الذى بينك و بينه عداوة كانه ولى حميم )
حسى بكلام ربنا من جواك
اصدقى مع الله علشان يصدق معاك
النكد مش هيحل المشاكل

لو نضفتى من جوة
هتلاقى نفسك بتبتسمى من برة ابتسامة حلوة فى وشه ...ابتسامه من القلب

و هتلاقى نفسك بتستقبليه بحب و لهفة و بتبوسيه و تحضنيه كانه غايب من زمان

اللحظات دى مهمة اوى فى حياة الزوجين
لما يحس الزوج انه داخل بيته مرغوب فيه و محتفل بوجوده

و حضرتك كمان من فضلك

بوسها و احضنها و قل لها وحشتينى و ابتسم فى وشها
هى مالهاش ذنب انك قرفان و طهقان من الشغل و المواصلات و الحر و الزحمة

لحظات الاستقبال مش هتاخد دقيقة واحدة منكم

بس بتنضف كثير من الاستياء و الزعل الى فى القلب
و بتحط بدالها بذور الحب الى ممكن ترويها بعد كدة باشياء اخرى