قال : يادكتورة يعنى الشباب يعملوا ايه لما يشوفوا البنات فى الشوارع و على وسائل التواصل و مفيش جواز و مفيش مخرج الا القنوات الاباحية و العادة السرية
مع كل احترامى لمعاناة الشباب من الجنسين
طب ما الشباب بأة يروحوا كمان يشربوا مخدرات و ياخدوا بانجو و حشيش عادى
طب ما يمشوا فى الشوارع و يتحرشوا بالبنات عادى
طب ما تبقى هيصة و يروحوا يناموا مع بعض من غير جواز و يضربوا ورق عرفى عادى
طب ما نعمل زى الاجانب و يبقى فيه حرية جنسية للشباب و نفتحها كدة من غير جواز عادى
يا ابنى
يا حبيبى
احنا مش حيوانات
و ربنا ميزنا عن الحيوانات بالعقل و بالقدرة على التحكم فى غرايزنا و شهواتنا
الحيوانات فى موسم التزاوج بتروح تدور على حيوان تانى علشان تتجوز بغض النظر عن الظروف و الامكانيات و التوافق و الانسجام و التفاهم بينهم
هو الفرق انه بدل مابيمشى فى الشوارع يدور على حيوانة بيدور عليها على صفحات الانترنت
احنا ربنا خلا عندنا عقل نقدر نسيطر بيه على الغرايز دى و هيحاسبنا على عقلنا دا عملنا ايه بيه
و كون ان فيه شباب ربنا عافاهم من هذا البلاء و ناس محترمه و مركزة فى مستقبلها و ناجحة فى حياتها و بيروح يتجوز لما يبقى جاهز نفسيا و ماديا ...
دا دليل ان فيه شباب عنده عقل و بيفكر فى مصلحته
و عنده ضمير بيخاف ربنا
انسان بيحترم نفسه انها تهبط الى الحيوانية دى
الشباب تعبان
انا عارفة و مقدرة و متفهمة دا كويس جدا لان عندى ابن شاب
لكن اننا نبرر الغلط و نضر نفسنا علشان احنا تعبانين و نعالج التعب بمصيبة و كارثة دا قلة عقل و دين و اخلاق و ضمير و قلة رجولة كمان
ليست هناك تعليقات:
إرسال تعليق