بتجيلى اسئلة كتيرة من الزوجات عن علاقة زوجها بحبه القديم
ممكن تكون علاقة حب و انتهت بسبب ظروف اقتصادية و بعدين لما الشاب اتجوز احلو تانى فى عين البنت .....يعنى الراجل اتجوز و البنت لسة
ممكن تكون علاقة حب و كل واحد فيهم اتجوز و البنت اطلقت فبدأت تحن لحبها القديم
ممكن تكون علاقة رجعت تانى حتى و الاتنين متجوزين للاسف الشديد و بيكدبوا على نفسهم و يعتبروها صداقة
هى طبعا مشكلة كبيرة ممكن تؤدى الى خراب البيت و المسئولية الاساسية فيها على الزوج بلا شك
الرجل ..اى رجل ..ضعيف أدام الحاح الانثى
و ربنا يعافينا لما انثى تحط فى دماغها راجل عايزة توقعه للاسف الشديد غالبا بتفلح
و خاصة لو كان بيحبها من زمان
فيه نساء بتعد تجرى ورا الزوج و يظل متماسك و مش بيرد عليها فى البداية و للاسف بعد كدة مقاومته بتضعف و بينهار الا من رحم ربى ..و قليل ماهم
هو بيبقى من جواه سعيد جدا و منتشى و منتفخ ومنشكح ......كل مشاعر الفخر و الاحساس العالى بالذات ان البنت بتجرى وراه
و ياسلام لما يكون حب قديم و يحس انها ندمانه وحاسة بذنب رهيب انها ماحاربتش الدنيا علشان خاطره
و ازاى انها منهارة و تعبانة فى غيابه ...
و ازاى انها فى احتياج رهيب ليه ..
و ازاى انها مش قادرة تعيش من غيره
و بحلم بيك انا بحلم بيك و كدة يعنى
بيبقى فى البداية فى صراع بين حبه وبيته ...و ساعات كتير بيقاوم بس للاسف مقاومة سلبية
يعنى هو سايبها تبعت له رسايل و تجيله فى الشغل و تجرى وراه فى كل مكان ..لكنه سعيد و مبسوط بالحالة دى من جواه و مابياخدش اى خطوة لانهائها
يعنى مثلا المفروض يغير رقم التليفون دا لو عايز ينهى العلاقة
المفروض يهزأها و يطردها من مكتبه دا لو فعلا بيحترم مراته
المفروض يقولها بصريح العبارة انا بحب مراتى و محاولاتك مالهاش لازمة ..دا لو عايز يحافظ على بيته بجد
بس طبعا هو مبسوط و سعيد بالاحساس دا من جواه ان هى بتجرى وراه و هتموت نفسها عليه لحد ما يبدأ هو كمان الشهامة (المزعومة ) تنقح عليه و يبدأ يستجيب و يتجاوب معاها
و ليه لأ ؟ بدال الشرع محلل له اتنين
مع انه تلاقيه مش قادر اصلا على مسئوليات بيت واحد علشان يستحمل مسئولية بيتين ..
بس هو بيدى لنفسه المبررات الشرعية
و ساعات يحس ان مراته ياعينى هى السبب و يعيش نفسه فى دور الضحية انها ماقدرتش تفهمنى و تحتوينى
و ساعات يقول لنفسه طب انا ليه ماحافظش على الاتنين دى الزوجة و دى الصديقة ..دى مجرد صداقة بريئة
و ساعات يضحك على نفسه كمان و يقول ان دى ست محتاجة ليه و رجولتى لاتسمح بانى أصد واحدة محتاجة لى
المهم الحجج كتير و الدفاعات النفسية اكتر علشان يبرر الغلط و يريح ضميره
طب الزوجة تعمل ايه ؟
أنا رأيى - الى مش هيعجب الزوجات - انه طالما لسة حب القديم فى قلبه..و حب حقيقى بجد و استمر فترة طويلة و انتهى بسبب الظروف المحيطة مش بسبب فشل فى العلاقة بينهم ...
رأيى انها تنسحب من حياته فى هدوء ..فلن يهنأ لها عيش و هو قلبه مع واحدة تانية
حتى لو سابها
كل ما هيسرح شوية هتقول بيفكر فيها
كل ما هيتأخر فى الشغل هتقول بيكلمها او بيقابلها
فيه ستات بتتجنن و توصل لدرجة مراقبة جوزها و تمشى وراه
.دا غير التلصص و التجسس على الموبايل طبعا
أعدى مع جوزك بمنتهى الهدوء و لو اعترف انه بيحبها و انهم سابوا بعض بسبب الظروف ...اكرم لك تنسحبى فى هدوء و سيبيه يعيش مع من أحب
طبعا الستات هتقتلنى !!!!!!
ازاى اسيبه كدة ليها بسهولة ؟؟؟؟
طالما فيه مشاعر و حب بين زوجك وواحدة تانية ..سواء كان حب قديم او حتى جديد ..حب حقيقى بجد ...يبقى ربنا يسهل له
لكن انى اعيش مع واحد وقلبه مع واحدة تانية انا شخصيا لا اقبلها على نفسى ولا على غيرى
أما لوبيحبك فعلا و باقى عليكى فاطلبى منه تصرفات صريحة مش مجرد كلام تدل على انهاء العلاقة بشكل نهائى
تغيير رقم التليفون و خدى القديم منه
و خليه يقابلها معاك أدامك و ينهى العلاقة و يكلمها بمنتهى الحزم
و لو بتروح له الشغل يطردها و يمشيها بمنتهى الحزم و القوة ..و يبغلك انه عمل كدة
دى ممكن حاجة تريحك و ترجع لك الثقة فيه تانى .....لو فعلا عايزك و باقى عليكى ومش ناوى يتلاعب بيكى
لكن مجرد الوعود و الكلام و الطمأنة الى بيعملها الرجالة دى لاتغنى و لا تسمن من جوع
عزيزى الزوج :
لو مش هتقدر تجمع بينهم هم الاتنين بالعقل كدة يبقى مالوش لازمة تعيش نفسك فى عذاب
وتعيش مراتك فى عذاب الاحساس بالخيانة و عدم الثقة فيك و عدم الامان معاك
وتعيش حبيبتك فى عذاب الانتظار و الأمل و الحلم الخادع
احزم أمرك و خليك راجل يا اما تجمع بينهم ياتختار واحدة منهم ....بلاش شغل المراهقين دا
و انت يا من حبيتى و ماطلتيش ....يا اما لم تتزوجى او اتجوزت و اطلقت
لو قدر انه يجمع بينكم انتم الاتنين يبقى بها و نعمت ...واحترمى ان له بيت و زوجة مالهاش ذنب
لكن لو اخدتيه من بيته و مراته و نجحت و تزوجتيه فصدقينى لن تهنئى فى حياتك ابدا
و ربنا هيصلت عليكى الى تاخده منك ...
لانه اصلا انسان ضعيف و اى ست ممكن تتلاعب بيه و بمشاعره ..و بعد فترة و هدوء الحب المشعلل و فتور العلاقة الطبيعى الى بعد الجواز و غلبة المسئوليات هيندم على البيت الى اتخرب و خاصة لو زوجته الاولى كانت انسانة كويسة و حياتهم كانت مستقرة
و ساعتها فلا تلومى الا نفسك ...لانه ممكن فى يوم من الايام هيقولك عايز ارجع مراتى
او ....هيدور على حب ثالث
ممكن تكون علاقة حب و انتهت بسبب ظروف اقتصادية و بعدين لما الشاب اتجوز احلو تانى فى عين البنت .....يعنى الراجل اتجوز و البنت لسة
ممكن تكون علاقة حب و كل واحد فيهم اتجوز و البنت اطلقت فبدأت تحن لحبها القديم
ممكن تكون علاقة رجعت تانى حتى و الاتنين متجوزين للاسف الشديد و بيكدبوا على نفسهم و يعتبروها صداقة
هى طبعا مشكلة كبيرة ممكن تؤدى الى خراب البيت و المسئولية الاساسية فيها على الزوج بلا شك
الرجل ..اى رجل ..ضعيف أدام الحاح الانثى
و ربنا يعافينا لما انثى تحط فى دماغها راجل عايزة توقعه للاسف الشديد غالبا بتفلح
و خاصة لو كان بيحبها من زمان
فيه نساء بتعد تجرى ورا الزوج و يظل متماسك و مش بيرد عليها فى البداية و للاسف بعد كدة مقاومته بتضعف و بينهار الا من رحم ربى ..و قليل ماهم
هو بيبقى من جواه سعيد جدا و منتشى و منتفخ ومنشكح ......كل مشاعر الفخر و الاحساس العالى بالذات ان البنت بتجرى وراه
و ياسلام لما يكون حب قديم و يحس انها ندمانه وحاسة بذنب رهيب انها ماحاربتش الدنيا علشان خاطره
و ازاى انها منهارة و تعبانة فى غيابه ...
و ازاى انها فى احتياج رهيب ليه ..
و ازاى انها مش قادرة تعيش من غيره
و بحلم بيك انا بحلم بيك و كدة يعنى
بيبقى فى البداية فى صراع بين حبه وبيته ...و ساعات كتير بيقاوم بس للاسف مقاومة سلبية
يعنى هو سايبها تبعت له رسايل و تجيله فى الشغل و تجرى وراه فى كل مكان ..لكنه سعيد و مبسوط بالحالة دى من جواه و مابياخدش اى خطوة لانهائها
يعنى مثلا المفروض يغير رقم التليفون دا لو عايز ينهى العلاقة
المفروض يهزأها و يطردها من مكتبه دا لو فعلا بيحترم مراته
المفروض يقولها بصريح العبارة انا بحب مراتى و محاولاتك مالهاش لازمة ..دا لو عايز يحافظ على بيته بجد
بس طبعا هو مبسوط و سعيد بالاحساس دا من جواه ان هى بتجرى وراه و هتموت نفسها عليه لحد ما يبدأ هو كمان الشهامة (المزعومة ) تنقح عليه و يبدأ يستجيب و يتجاوب معاها
و ليه لأ ؟ بدال الشرع محلل له اتنين
مع انه تلاقيه مش قادر اصلا على مسئوليات بيت واحد علشان يستحمل مسئولية بيتين ..
بس هو بيدى لنفسه المبررات الشرعية
و ساعات يحس ان مراته ياعينى هى السبب و يعيش نفسه فى دور الضحية انها ماقدرتش تفهمنى و تحتوينى
و ساعات يقول لنفسه طب انا ليه ماحافظش على الاتنين دى الزوجة و دى الصديقة ..دى مجرد صداقة بريئة
و ساعات يضحك على نفسه كمان و يقول ان دى ست محتاجة ليه و رجولتى لاتسمح بانى أصد واحدة محتاجة لى
المهم الحجج كتير و الدفاعات النفسية اكتر علشان يبرر الغلط و يريح ضميره
طب الزوجة تعمل ايه ؟
أنا رأيى - الى مش هيعجب الزوجات - انه طالما لسة حب القديم فى قلبه..و حب حقيقى بجد و استمر فترة طويلة و انتهى بسبب الظروف المحيطة مش بسبب فشل فى العلاقة بينهم ...
رأيى انها تنسحب من حياته فى هدوء ..فلن يهنأ لها عيش و هو قلبه مع واحدة تانية
حتى لو سابها
كل ما هيسرح شوية هتقول بيفكر فيها
كل ما هيتأخر فى الشغل هتقول بيكلمها او بيقابلها
فيه ستات بتتجنن و توصل لدرجة مراقبة جوزها و تمشى وراه
.دا غير التلصص و التجسس على الموبايل طبعا
أعدى مع جوزك بمنتهى الهدوء و لو اعترف انه بيحبها و انهم سابوا بعض بسبب الظروف ...اكرم لك تنسحبى فى هدوء و سيبيه يعيش مع من أحب
طبعا الستات هتقتلنى !!!!!!
ازاى اسيبه كدة ليها بسهولة ؟؟؟؟
طالما فيه مشاعر و حب بين زوجك وواحدة تانية ..سواء كان حب قديم او حتى جديد ..حب حقيقى بجد ...يبقى ربنا يسهل له
لكن انى اعيش مع واحد وقلبه مع واحدة تانية انا شخصيا لا اقبلها على نفسى ولا على غيرى
أما لوبيحبك فعلا و باقى عليكى فاطلبى منه تصرفات صريحة مش مجرد كلام تدل على انهاء العلاقة بشكل نهائى
تغيير رقم التليفون و خدى القديم منه
و خليه يقابلها معاك أدامك و ينهى العلاقة و يكلمها بمنتهى الحزم
و لو بتروح له الشغل يطردها و يمشيها بمنتهى الحزم و القوة ..و يبغلك انه عمل كدة
دى ممكن حاجة تريحك و ترجع لك الثقة فيه تانى .....لو فعلا عايزك و باقى عليكى ومش ناوى يتلاعب بيكى
لكن مجرد الوعود و الكلام و الطمأنة الى بيعملها الرجالة دى لاتغنى و لا تسمن من جوع
عزيزى الزوج :
لو مش هتقدر تجمع بينهم هم الاتنين بالعقل كدة يبقى مالوش لازمة تعيش نفسك فى عذاب
وتعيش مراتك فى عذاب الاحساس بالخيانة و عدم الثقة فيك و عدم الامان معاك
وتعيش حبيبتك فى عذاب الانتظار و الأمل و الحلم الخادع
احزم أمرك و خليك راجل يا اما تجمع بينهم ياتختار واحدة منهم ....بلاش شغل المراهقين دا
و انت يا من حبيتى و ماطلتيش ....يا اما لم تتزوجى او اتجوزت و اطلقت
لو قدر انه يجمع بينكم انتم الاتنين يبقى بها و نعمت ...واحترمى ان له بيت و زوجة مالهاش ذنب
لكن لو اخدتيه من بيته و مراته و نجحت و تزوجتيه فصدقينى لن تهنئى فى حياتك ابدا
و ربنا هيصلت عليكى الى تاخده منك ...
لانه اصلا انسان ضعيف و اى ست ممكن تتلاعب بيه و بمشاعره ..و بعد فترة و هدوء الحب المشعلل و فتور العلاقة الطبيعى الى بعد الجواز و غلبة المسئوليات هيندم على البيت الى اتخرب و خاصة لو زوجته الاولى كانت انسانة كويسة و حياتهم كانت مستقرة
و ساعتها فلا تلومى الا نفسك ...لانه ممكن فى يوم من الايام هيقولك عايز ارجع مراتى
او ....هيدور على حب ثالث
ليست هناك تعليقات:
إرسال تعليق