فقدان الامان

مشكلتنا الكبرى اننا معندناش احساس بالامان

أهالينا مش بتدينا الحب الى بيحسسنا بالامان

تربيتنا فى البيت و المدرسة مش بتدينا الثقة بالنفس و تقدير الذات الى يخلينا نحس بالامان

المجتمع لاذع النقد و شديد الحكم على الاخرين فمش حاسين فى وسطه بالامان

الدول مليانه ظلم و فساد بتخلى الواحد لو اتظلم مش هياخد حقه فمش حاسس بالامان

كل الى فات دا بيخلينا ناس مش ناجحين فى حياتهم و لا عارفين نعمل فلوس فمش حاسين بالامان المادى للمستقبل

كل دا بينعكس على علاقاتنا بالاخرين

النساء بتتعلق اوى بصحبتها او امها او جوزها او اولادها لانها مش حاسة بالامان و خايفة عليهم يروحوا منها فى اى وقت
وبالتالى بتكون عايزة تتملكهم مش تعمل علاقة انسانية معاهم

الرجال بيتعلق بوالدته او بابوه
وساعات بمراته او باولاده او بصحبه و بيبقى خايف يروحوا منه
و ممكن يلجأوا الى العنف اللفظى و الجسدى معاهم فى محاولة لتطويعهم انكم مش هتقدروا تبعدوا عنى
بتلاقى رجالة زوجاتهم مش طايقاهم و بيهددها لو اطلقت لانه عايزها جنبه و خايف تبعد عنه بس بيعبر عن دا باسلوب زبالة

الناس معدتش حاسة بالامان فى العالم الى احنا عايشين فيه و بيعبروا عن دا بالتملك و التحكم و السيطرة على الاخر علشان مايعرفش يهرب منه