قال : لم تكن تريد زوجا بل تريد بنكا
أخى الفاضل :
مشكلة البنات التى نشأت فى أسرة فقيرة دائمة الشكوى من الفقر غير راضية
او أسرة غنية مادية ينظرون الى توافر الماديات و الاشياء و الاموال كأولويات اولى فى حياتهم
ويعتبرون قيمتهم فيما يملكون من اموال
و يحرصون على ان ينظر لهم الاخرون كما كان ينظر الناس لقارون (يا ليت لنا مثل ما أوتى قارون انه لذو حظ عظيم )
و يحرصون على ان تكون لهم الافضلية بالمال و الممتلكات
أوالبنت التى لم تتلق تعليما يضمن لها وظيفة محترمة أو انها تعلمت و لم تعمل
مشكلة هذه الفتاة انها تفتقد الامان المادى ..
و بيبقى كل احتياجها من جوزها توفير هذا النوع من الامان ..الامان المالى و المادى
بتكون حاسة انها لو اتجوزت واحد غنى هتحس بالامان دا
و حتى لو اتجوزت راجل متوسط الحال ..بتفضل تشجعه انه يزود دخله باى طريقة
و يمكن تفضل تلومه و تعتت فيه على فقره
و ساعات بتكون خايفة على مستقبلها المالى فتعد تزن على انه يكتب لها بعض الممتلكات او تشترى دهب و الماس و تعمل مدخرات شخصية ليها
و ساعات بتكون خايفة على مستقبل الاولاد و بدل ما تربيهم على انهم يكتسبوا المال بنفسهم ويبنوا مستقبلهم المالى باجتهادهم و بنجاحهم بتربيهم على الانفاق من مال ابوهم و تغرس فيهم ان هو دا مستقبلهم
و فيه ستات ماشية على فكرة قصقصى ريشه ...مع ان الكثير من المطلقت و الارامل و الكبيرة فى السن ممكن تقبل براجل من غير ريش
هذه الانواع من النساء بتحول زوجها بشكل لا ارادى تماما الى مجرد بنك
فهى لا تتكلم الاعن الطلبات و المصروفات
و هى لا تقدر امكانات زوجها المادية و قدراته على الكسب بل تريد المزيد و المزيد و تطالبه دوما بذلك
و هى كل هدفها فى تربية اولادها اسعادهم بالشراء ..ملابس و ادوات و العاب و ...و....و....
الجانب المادى يحتل جزء كبير جدا من تفكيرها و اهتمامها
فبيبقى رد فعل الرجل المزيد من العمل لأجل المزيد من المال حتى لايجد الوقت لاسرته و بناء العلاقات فيها
او انه يخبى عنها مدخراته او انفاقه لانها طماعة و مش بتشبع
او انه يهرب برة البيت لانه مش عايز يسمع طلبات و مصروفات
النوعية دى من النساء للاسف صعب اوى تتغير ...
و مهما زاد دخله هتفضل تنشد المزيد و المزيد حتى لو على حساب التربية و العلاقة و التواصل
فالحل معها
انك تحدد لها مصروف شهرى ليها هى شخصيا لطلباتها و لا تسمح لها بتعديه و لا ترضخ لطلب المزيد الا فى حالات الطوارىء
و تحدد تماما مصروف البيت و الاولاد الى يعيشهم عيشة كريمة و لا تسمح لهم بتعديه
حط حدود للانفاق حتى تمنع الاسراف و البذخ
و من حقك تخبى عنها دخلك و تخبى مدخراتك لانها لن تسمح بوجود مدخرات
و انت سيدتى :
الامان المادى دا مسئوليتك مش مسئولية جوزك
هو مسئول على الانفاق الكريم عليك ..بس غير مسئول عن انه يكتب لك حاجة و الا يأمن لك مستقبلك والا يلبى احتياجاتك للفشخرة و المنظرة
عايزة تحسى بالامان المادى انزلى انت اشتغلى ووفرى لنفسك الامان الى انت عايزاه
مجرد احساسك بالقدرة على الكسب دا هيديك الاحساس بالامان المادى
ليست هناك تعليقات:
إرسال تعليق