قالت : لم يكن يريد زوجة بل كان يريد فرجا يفرغ فيه شهوته
حبيبتى :
أقدر تماما هذا الاحساس المؤلم عندما تتزوج المرأة فلا تجد من زوجها الا رغبة عارمة فى افراغ شهوته فيها دون مراعاة لحالتها النفسية و الصحية او حتى رغبتها هى و رضاها
الشباب فى هذا الزمان يتعرض للمغريات و يعيش حالة من الاستنفار الغريزى فى الاعلام و على صفحات التواصل و فى الشارع و العمل و فى كل مكان حوله
و الانسان المحترم الى بيخاف من الحرام بيفضل يكبت فى الرغبات دى طول عمره و يحلم بالزوجة الى بيطلع فيها كل الكبت الى مر بيه
وللاسف المحترم برده يعانى من الجهل الشديد بالعملية الجنسية الخاصة بالمرأة و دورتها الجنسية
و فيه شباب و رجال اصلا عمرهم ماسمعوا عن حاجة من دى و فاكرين ان المرأة مجرد وعاء لذيذ لاستقبال المنى دون اى مراعاة لدورتها الجنسية و لا بذل اى جهد لاثارتها و اغرائها
و فيه منهم رجال بيبنوا صورتهم عن المرأة من الفتيات الى بيشوفوها فى الاعلام او على صفحات التواصل او صورة حطوها هم فى مخهم رسموها من صفحات البورنو
فاعتقادهم ان المرأة دى مفيش فى مخها الا الغريزة الجنسية و اغراء الرجل وان كل همها فى الحياة اصطياد رجل لاشباعها جنسيا
مع ان كل الدراسات النفسية الحديثة بتأكد ان المرأة يهمها الحب و المشاعر اكتر من الجنس
و ان الرجل يعطى الحب من اجل الجنس و المرأة تمنحه الجنس من أجل الحب
و ان الاثارة الجنسية للمرأة صعبه و محتاجة قدر كبير من المشاعر و العاطفة علشان يتم اشعالها
فى حين ان ممكن الرجل يثار بشكل واحدة او ملمسها او ريحتها من غير مايحس باى مشاعر ناحيتها
فللاسف هذه النوعية من الرجال عندما يتزوج يصب كل همه فى العلاقة الجنسية دون مراعاة لزوجته الى ممكن تكون برده طالعة من بيئة محافظة ماتعرفش اى حاجة عن الموضوع دا
ودا بيخليها تكره العلاقة و تكرهه هو شخصيا و تكره عيشته وتكره نظرته ليها و ممكن توصل انها تطلب الطلاق لانها خلاص مش طايقاه
و ممكن تستمر وهى كارهة و بتتهرب كل شوية فدا يصيبه للاحباط و يبدأ يكرهها هو كمان و تبقى العيشة مرار
الرجل محتاج يتعلم كيف يثير المرأة ..المرأة محتاجة وقت طويل ذكرالعلماء انه ربع ساعة على الاقل من الكلمات و اللمسات و الهمسات و النظرات وتدليل و مداعبة و..و.....قبل العلاقة
و محتاجة وقت كمان اثناء العلاقة علشان توصل لرعشة الشبق ...
و دى مشكلة الرجل الذى يعانى من سرعة القذف انه بيقضى شهوته سريعا و تظل هى فى حالة اثارة دون تفريغ و دا متعب جسمانيا و نفسيا جدا
و محتاجة قبل دا كله ان يكون نفسيتها صافية من ناحية حضرتك ..ماتبقاش معكنن عليها طول اليوم و عايزها زى فتيات الفيديو كليب و هى جواها مش طايقة حضرتك
ارجو من هذه النوعية من الرجال ان تنظر للمرأة على انها انسان له مشاعر و احاسيس مش مجرد جسد و فرج
اتعلموا
بدل ماتعد على القنوات و المواقع الاباحية و تتفرج على الصور
اتعلم ازاى تثيرها و ادخل على مواقع علمية محترمة تعلمك ازاى تشجع مراتك و تخليها مقبلة عليك و راغبة فيك
فأعظم نشوة الرجال عندما ينجح فى وصول زوجته الى ذروتها و اشباع رغبتها الجنسية و العاطفية من خلال العملية الجنسية
اتعلموا صح ربنا يصلح حالكم
ليست هناك تعليقات:
إرسال تعليق