يظلون يلهثون وراء المال ظنا منهم انه مفتاح السعادة
و عندما يحصلون عليه يفقدون الكثير من الاشياء التى كانت فى ايديهم و لم يشعروا معها بالسعادة
كالزوجة و الابناء المحبون و الصحة و الاصدقاء و الاهل
وهنا فقط يعلنون ان المال لايجلب السعادة
الواقع بيقول ان المال يجلب الاشياء
و ارتباط السعادة بجلب الاشياء يجلب الهم و النكد
فالسعادة بالاشياء وقتية و اول ما تتعود على الشىء خلاص فقد رونقه
و طول مافيه حاجة مش عندك هتبقى متضايق و تعبان و عايز تجيبها
و انت مش ممكن هتحصل على كل حاجة فى الدنيا
اكيد فيه حاجات مش هتقدر تشتريها
علشان كدة ارتباط سعادتك بالمال الى هيشتريلك الحاجات لايحقق السعادة لان دايما هيبقى فيه حاجات مش هتقدر تشتريها
ساعات الناس عايزة تكسب مال علشان تحصل على احترام الاخرين و الناس تبص لها على انها غنية و تحترمها
الاحترام دا بيعتمد على شخصيتك و قيمك و مبادئك
ياما اغنياء يتزلف لهم الاتباع و يلعنوهم من وراهم
ساعات الناس عايزة المال علشان تحس انها احسن من الاخرين بيشبع عندها الاحساس بالكبر و العنطزة
انت ممكن تكون أغنى من الاخرين بس مش ممكن هتكون أفضل منهم
لان محدش افضل افضلية مطلقة
فيه ناس تتميز بالمال
و فيه ناس تتميز بالجمال
و فيه ناس تتميز بالاخلاق
و فيه ناس تتميز بالعقل و الذكاء
محدش كامل من مجاميعه
و محدش له افضلية على حد
و لو حسيت انك افضل اكيد مؤكد هتلاقى نفسك أقل فى حاجات تانية كتيرة اوى
مشكلة اللاهثون وراء المال فى انهم فاكرين ان المال هو القوة الوحيدة
المال قوة و لكن لو من غير قوة فى الخلق و المبادىء و العقل هيبقى وبال و نقمة
ليست هناك تعليقات:
إرسال تعليق