سألت صديقتى : طب يعنى يا دكتورة انت مش هتفرضى طلبات مادية على العريس الى هيتقدم لبنتك ؟
والله ياحبيبتى أنا نفسى أفهم وجهة نظر الناس الى بتغالى فى الطلبات المادية دى ايه
لو علشان خاطر الناس انا مايهمنيش كلام الناس ..و طول عمرى كدة
ولا عمرى قارنت نفسى بحد ...و لا عمرى بصيت على حد
انا شخصيا اتجوزت بامكانات قليلة جدا جدا و باجهزة مستعملة و شقة مش متوضبة و من غير فرح و بارادتى و كنت مبسوطة
و مستعدة اعمل كدة مع بنتى برده عادى طالما دى امكاناته ودى رغبتها
و لو وثقت فيه هساعده كمان المهم يبقى البيت فيه اساسيات الحياة
لو علشان الضمان ...الضمانات المادية عمرها ماكانت ضمان للسعادة أبدا
انا أهم حاجة ان بنتى تكون سعيدة مع شريك حياتها و دا مش هيضمنها الماديات
والأهم حاجة عندى انه مايكونش بخيل او كذاب و بيستخسر
لو حسيت انه كريم لكن امكاناته بسيطة هساعده و مش هطالبه بطلبات كتيرة
لكن لو حسيت انه بخيل و مستخسر فيها دا ممكن أطفشه و أكره بنتى فيه
لان الانسان البخيل هيبقى بخيل فى كل حاجة حتى مشاعره
دا غير انى لو كتبت مؤخر و قايمة و جهز شقة فخمة ممكن يعيش معاها و هو مقهور و مجبر و هيطلع عينها لحد ما توصل لدرجة انها تكون عايزة تطلق او تخلعه و تتنازل عن كل حقوقها
طب ليه اوصل بنتى انها تكون عايشة مع واحد مش بيحبها و مش عايز يطلقها علشان الواجبات المادية الى عليه
أنا شخصيا امنيتى انى اجوز اولادى زى الاجانب ..امكانات بسيطة
بدون نيش و لا عفش من دمياط و لا فرح مكلف و لا ديون و لا شبكة بالشىء الفلانى ولا ...ولا ....
و هم الاتنين يبنوا نفسهم مع بعض
عاشوا سعداء كان بها
معاشوش يبقى الطلاق سهل سهل بدون استخسار الفلوس الى دفعناها
دى وجهة نظرى الى بغرزها فى لاولادى
وبحكى لهم دايما ازاى بدأت أنا ووالدهم .....ووصلنا دلوقت لايه بفضل الله عز وجل
و بزرع فيهم الرغبة فى بناء نفسهم بنفسهم
و انهم يختاروا شريك الحياة الى يساعدهم على النجاح و يشاركهم نجاحهم علشان يحسوا بطعم النجاح
وان قرار الزواج منفصل عن قرار الانجاب
انا اتمنى انهم يتجوزوا فى سن مبكرة علشان الاستقرار العاطفى
لكن قرار الانجاب دا يتأجل لحد النضج النفسى و الاستقرار المادى و تحقيق الطموح و التأكد أن العلاقة الزوجية علاقة تصلح كمحضن تربوى جيد
دعواتك الاقى عرسان يحملوا نفس الفكر دا ..و دى الى هتبقى المشكلة الكبيرة
والله ياحبيبتى أنا نفسى أفهم وجهة نظر الناس الى بتغالى فى الطلبات المادية دى ايه
لو علشان خاطر الناس انا مايهمنيش كلام الناس ..و طول عمرى كدة
ولا عمرى قارنت نفسى بحد ...و لا عمرى بصيت على حد
انا شخصيا اتجوزت بامكانات قليلة جدا جدا و باجهزة مستعملة و شقة مش متوضبة و من غير فرح و بارادتى و كنت مبسوطة
و مستعدة اعمل كدة مع بنتى برده عادى طالما دى امكاناته ودى رغبتها
و لو وثقت فيه هساعده كمان المهم يبقى البيت فيه اساسيات الحياة
لو علشان الضمان ...الضمانات المادية عمرها ماكانت ضمان للسعادة أبدا
انا أهم حاجة ان بنتى تكون سعيدة مع شريك حياتها و دا مش هيضمنها الماديات
والأهم حاجة عندى انه مايكونش بخيل او كذاب و بيستخسر
لو حسيت انه كريم لكن امكاناته بسيطة هساعده و مش هطالبه بطلبات كتيرة
لكن لو حسيت انه بخيل و مستخسر فيها دا ممكن أطفشه و أكره بنتى فيه
لان الانسان البخيل هيبقى بخيل فى كل حاجة حتى مشاعره
دا غير انى لو كتبت مؤخر و قايمة و جهز شقة فخمة ممكن يعيش معاها و هو مقهور و مجبر و هيطلع عينها لحد ما توصل لدرجة انها تكون عايزة تطلق او تخلعه و تتنازل عن كل حقوقها
طب ليه اوصل بنتى انها تكون عايشة مع واحد مش بيحبها و مش عايز يطلقها علشان الواجبات المادية الى عليه
أنا شخصيا امنيتى انى اجوز اولادى زى الاجانب ..امكانات بسيطة
بدون نيش و لا عفش من دمياط و لا فرح مكلف و لا ديون و لا شبكة بالشىء الفلانى ولا ...ولا ....
و هم الاتنين يبنوا نفسهم مع بعض
عاشوا سعداء كان بها
معاشوش يبقى الطلاق سهل سهل بدون استخسار الفلوس الى دفعناها
دى وجهة نظرى الى بغرزها فى لاولادى
وبحكى لهم دايما ازاى بدأت أنا ووالدهم .....ووصلنا دلوقت لايه بفضل الله عز وجل
و بزرع فيهم الرغبة فى بناء نفسهم بنفسهم
و انهم يختاروا شريك الحياة الى يساعدهم على النجاح و يشاركهم نجاحهم علشان يحسوا بطعم النجاح
وان قرار الزواج منفصل عن قرار الانجاب
انا اتمنى انهم يتجوزوا فى سن مبكرة علشان الاستقرار العاطفى
لكن قرار الانجاب دا يتأجل لحد النضج النفسى و الاستقرار المادى و تحقيق الطموح و التأكد أن العلاقة الزوجية علاقة تصلح كمحضن تربوى جيد
دعواتك الاقى عرسان يحملوا نفس الفكر دا ..و دى الى هتبقى المشكلة الكبيرة
ليست هناك تعليقات:
إرسال تعليق