سأل : دكتوره هو ينفع الراجل هو الي يحس باحساس القهر و انه هو الي مجبر انه يكمل في العلاقه بسبب الالتزامات الماديه و وجود بنت روحه فيها ؟
أيوة طبعا
رجال كثيرون عندهم هذا الشعور بالقهر و خاصة مع الالتزامات المادية الباهظة التى تفرض على الزوج زى المؤخر و القايمة و النفقة و خلافه
و زى القوانين التى تجعل الشقة من حق الزوجة الحاضنة فهو لايجد مكان يسكن فيه لو طلق زوجته
و ارتباطه الشديد بأولاده و عدم احتماله البعد عنهم
كل دى أسباب بتخلى الراجل عايش مع زوجة مش بيحبها و مش عارف يتفاهم معاها و مش سعيد معاها
لكن أنا دايما بقول ان الرجل لو قدر يكسب حب زوجته هيقدر يغيرها ...
و قدرة الرجل على تغيير المرأة أكبر بكتير من قدرة المرأة على تغيير الرجل
لان الست بطبعها عاطفية و يوم ما بتحب بتبذل مجهود كبير و تقدم تضحيات و يبقى عندها دافع للتغيير أكتر كتير من الراجل
أنا شفت قصص كتيرة أوى نجحت بالاسلوب دا ..مجرد انه غير شوية فى سلوكياته معاها و بأة ألطف ...هى اتغيرت و بقت أجمل
و أقربها زميل مكانش طايق مراته ..و كان ينوى الطلاق
قلت له مراتك فعلا بتحبك ..بس طول ما هى حاسة انك مش طايقها و هى غاضبة و متذمرة علطول ..طب جرب بس حاجة بسيطة
جرب تبعت لها رسايل لطيفة حتى ولو من ورا قلبك ..
جرب تجيب لها هدايا بدون مناسبة حتى لومش جايلك نفس
جرب تمد ايدك و تساعدها ..اعمل لها المواعين مرة ...و الا خد انشر الغسيل ..والا اعد ذاكر للولد مرة ....وشوف رد فعلها و سعادتها هتكون ازاى
جرب تسعدها بحاجة كان نفسها فيها من زمان ..حتى لو مش طايقها
لقيته باعتلى بعدها بشهور بيقولى ..انا مراتى بقت سعيدة ..و حاسس انها اتغيرت كتيرالحمد لله
صدقنى يا اخى الست محتاجة بس شوية اهتمام علشان تتفتح و تنشر روايحها الحلوة و ابتسامتها الجميلة و بتتغير فعلا كتير و اعصابها بتهدا كتيييير
و لو بتعمل حاجة بتخليها دايما عصبية و غاضبة زى مثلا الخيانة الالكترونية ..توقف و اعتذر و حاول تراضيها
للاسف الشديد أول حاجة بيعملها الرجل لما يطهق من مراته انه يدور على غيرها
الجهد الى هتبذله فى كسب امرأة أخرى ماتحاول تبذله مع مراتك ..و الرقة و الذوق وفرها لزوجتك و استمر شهرين تلاتة اربعة على التعامل الطيب و الاعمال اللطيفة و شوف التغيير الى هيحصل
فيه نساء سيئة الطباع أصلا ..عصبية و نكدية و ما بيحوقش معاها حاجة
فدى ممكن تتجوز ...
و فيه انواع من الزواج دلوقت بدون اى التزامات مادية زى المسيار و خلافه
الزوج المقهور فى مجتمعاتنا العربية أقل كثيرا ...لان له مخرج بالزواج التانى
لو أنت حاسس بالقهر و مش قادر تطلقها حاول تصلحها بالحب
مش لازم تحبها ...لكن قدم اعمال لطيفة و محببة ليها بهدف كسب حبها و صدقنى هتلاقيها بتتغير كتييير ..
و أغلب النساء عندها الرغبة و القدرة على انها تتغير لو حست فعلا بالحب و الاهتمام من جوزها
ليست هناك تعليقات:
إرسال تعليق